لاہور (ویب ڈیسک) بانی و قائد خبریں گروپ ضیاءشاہد کے انتقال پر ناروے کے سفیر کیجل گنار ایریکسن اور فن لینڈ کے سفیر محمد اسد انصاری نے چیف ایڈیٹر خبریں امتنان شاہد کے نام علیحدہ علیحدہ خطوط میں اظہار افسوس کیا ہے۔ ناروے کے سفیر کیجل گنار ایریکسن نے عالمی یوم آزادی صحافت کے موقع پر خراج تحسین پیش کرتے ہوئے کہا ہے کہ ضیاءشاہد نے آزادی صحافت کیلئے بے پناہ خدمات انجام دی ہیں اور ان کی خدمات کو دنیا قدر کی نگاہ سے دیکھتی ہے۔ فن لینڈ کے سفیر محمد اسد انصاری نے کہا ہے کہ ضیاءشاہد شعبہ صحافت کے درخشندہ ستارے تھے اور انہیں ہمیشہ یاد رکھا جائیگا۔
