امریکی شہری فوری افغانستان چھڑدیں: امریکی سفارتخانہ ، سخت جانچ پڑتال کے بعد افغان صحافیوں کو پناہ دیں گے : برطانیہ
طالبان ٹھکانوں پر امریکی طیاروں کی بمباری، ہرات ، قندھار ، لشکر گاہ کی صورتھال انتہائی۔ بڑی جنگ ہوئی تو ہمسایہ ممالک بھی متاثر ہونگے۔ امن کے لیے کردار ادا کرنا ہوگا: اقوام متحدہ
برطانیہ کے بعد امریکا نے بھی اپنے شہریوں کو فوری طور پر افغانستان چھوڑنے کی ہدایت کردی۔
افغانستان میں امریکی سفارتخانے نے افغانستان میں مقیم امریکی شہریوں کو افغانستان فوری طور نکلنے کے احکامات جاری کیے ہیں۔
افغانستان کی بگڑتی صورتحال کے سبب برطانوی حکومت نے بھی گذشتہ دنوں اپنے شہریوں کو افغانستان چھوڑنے کی ہدایت کی تھی۔
افغانستان میں امریکی سفارتخانے نے سکیورٹی الرٹ جاری کرتے ہوئے کہا ہےکہ افغانستان میں مقیم امریکی شہری فوری دستیاب کمرشل پروازوں سےجلد ازجلد افغانستان سے نکل جائیں۔
سفارتخانے نے کہا ہے کہ کمرشل پروازوں کےٹکٹ نہ خرید سکنے والوں کو قرضہ بھی فراہم کیاجائےگا۔
سفارتخانے نے کہا ہےکہ امریکی شہری سیف ٹریولر انرولمنٹ پروگرام (STEP) میں اندراج کرائیں تاکہ سکیورٹی اپ ڈیٹس اور ایمرجنسی میں سفارتخانےسے رابطہ ممکن بنایاجاسکے، مستقبل میں سرکاری انخلا کی پرواز کی صورت میں امریکی شہریوں کو مطلع کردیا جائےگا۔
خیال رہے کہ افغانستان سے امریکی افواج کے انخلا کے اعلان کے بعد سے ہی طالبان کی پیش قدمی جاری ہے اور انہوں نے متعدد اضلاع پر قبضہ کرلیا ہے۔
