لیاقت پور ۔ ساہیوال کے مسیحی نوید کاشف پادری نے پریس کانفرنس کرتے ہوئے بتایا کہ لیاقت پور کی مسیحی برادری کی عبادت گاہ چرچ پر شہر کے باآثر افراد نے میرج ہال بنا لیا ہے عدالتی فیصلے کے باوجود چرچ کی جگہ خالی نہیں کی جا رہی ۔ چیف جسٹس آف پاکستان سے نوٹس لینے کا مطالبہ

لیاقت پور ۔ ساہیوال ۔ملتان ۔بہاولپور اور لیاقت پور کے پادریوں نوید کاشف ۔ طالب ۔ذکی منہاس ۔قمر الزمان ۔صفدر مسیح اور امتیاز مسیح نے پریس کانفرنس کرتے ہوئے بتایا کہ ن لیگی چیرمین بلدیہ راشد رفیق چوہدری اور ان کے بھائی خالد رفیق چوہدری نے مبینہ جعل سازی سے ہماری عبادت گاہ چرچ کی ایک سو دو مرلہ جگہ اونے پونے داموں خرید کر وہاں رائل میرج ہال بنا لیا ہماری درخواست پر عدالت نے انکی خریداری ڈگری منسوخ کر دی مگر اس کے باوجود ہماری عبادت گاہ خالی نہیں کی گئی جس کی وجہ سے مسیحی برادری وہاں عبادت نہیں کر سکتے انہوں نے بتایا کہ وہ بہت جلد میرج ہال کے لان میں اپنی عبادات کریں گے کسی ناخوشگوار واقعہ کی تمام ذمہ داری راشد رفیق چوہدری اور ان کے حواریوں پر عائد ہوگئی انہوں نے بتایا کہ ملک بھر کی مسیحی برادری پارلیمنٹ ہاؤس ۔پنجاب اسمبلی ۔ اور سینٹ کے باہر احتجاج کرے گئی انہوں نے چیف جسٹس آف پاکستان سے اس کا نوٹس لینے کا مطالبہ بھی کیا
خورشید بھٹی لیاقت پور