ملائیشیا کے وزیر اعظم محی الدین یاسین نے 17 ماہ کے بعد کابینہ سمیت استعفیٰ دے دیا ہے۔
ملائیشیا کے وزیر اعظم محی الدین یاسین عہدہ سنبھالنے کے 18 ماہ سے بھی کم عرصے میں مستعفی ہو گئے ، ان کی کابینہ نے بھی استعفے دے دیئے ہیں۔
ملائیشیا کے وزیر اعظم محی الدین یاسین آخری کابینہ اجلاس کے بعد نیشنل پیلس گئے جہاں انہوں نے بادشاہ کو اپنا استعفیٰ پیش کیا جس کے بعد ملک کے بادشاہ عبداللہ رعایت الدین المصطفیٰ باللہ شاہ نے استعفیٰ منظور کرلیا۔
محی الدین یاسین گزشتہ سال یکم مارچ کو برسراقتدار آئے تھے۔ حالیہ مہینوں میں اکثریت سے محروم ہونے والے محی الدین یاسین کو سیاسی مشکلات کا سامنا تھا جس کے باعث انہیں اقتدار سے الگ ہونا پڑا۔ نئی حکومت کس کی ہو گی یہ فوری طور پر واضح نہیں کیا گیا ہے۔
