تفصیلات کے مطابق فوٹو اینڈ ویڈیو شئیرنگ ایپ انسٹاگرام پر معروف ماڈل مشک کلیم نے ایک پوسٹ کے ذریعے مداحوں کو اطلاع دی کہ وہ آئندہ ماہ دسمبر کے وسط تک پیا گھر سدھار جائیں گی ۔ مشک کی شادی ان کے قریبی دوست نادر ضیاء سے ہو رہی ہے ۔
سپر ماڈل نے بتایا کہ ان کے نکاح کی تقریب 15 جب کہ رخصتی 17 اور ولیمے کی تقریب 18 دسمبر کو ہوگی ۔
مشک کلیم نے شادی کا دعوت نامہ شیئر کرتے ہوئے بتایا کہ ان کی زندگی کا اہم ترین دن محض 20 دن دور ہے اور ابھی سے ہی الٹی گنتی شروع ہو چکی ۔ انہوں نے پوسٹ کو شیئر کرتے ہوئے ہیش ٹیگ ایم اینڈ زیڈ لکھا ۔
معروف ماڈل مشک کلیم نے انتہائی کم عمری میں 2009 سے ماڈلنگ کا آغاز کیا تھا ، انہوں نے سال 2020 میں لکس اسٹائل ایوارڈز میں بہترین ماڈل کا ایوارڈ حاصل کیا ۔ اس سے قبل بھی وہ کئی ایوارڈز اپنے نام کرچکی ہیں ۔
