پاکساتن شوبز انڈسٹری کے نامور اداکار ہمایوں سعید نے بھی گولڈن ویزا حاصل کر لیا۔
ہمایوں سعید نے فوٹو اینڈ ویڈیو شئیرنگ ایپ انسٹاگرام پر اپنی ایک تصویر پوسٹ کی ہے۔
اداکار کے جانب سے پوسٹ کی جانے والی تصویر میں دیکھا جا سکتا ہے کہ متحدہ عرب امارات کی جانب سے ہمایوں سعید کو گولڈن ویزا دیا جا رہا ہے۔
انسٹاگرام پر پوسٹ کی جانے والی تصویر کی کیپشن میں اداکار ہمایوں نے متحدہ عرب امارات کی جانب سے گولڈن ویزا ملنے کو اپنے لیے اعزاز قرار دیا۔
ہمایوں سعید نے کہا دبئی کے لوگوں نے ہمیشہ مجھ سے اور میرے کام سے جو محبت کی ہے اس کا مشکور ہوں۔
انہوں نے کہا وہ اور ان کے اہلخانہ ہمیشہ سے دبئی سے محبت کرتے ہیں اور دبئی میں گزاری گئی چھٹیوں سے لطف اندوز ہوتے ہیں۔
اداکار ہمایوں سعید نے دبئی کی حکومت اور خاص طور پر دبئی فلم اور ٹی وی کمیشن کا بھی شکریہ ادا کیا۔
واضح رہے کہ گلوکار واداکار علی ظفر کو بھی اکتوبر میں دبئی کا گولڈن ویزا دیا گیا تھا تاہم علی ظفر گولڈن ویزا حاصل کرنے والے پہلے پاکستانی تھے۔
