ایف بی آرکی پوائنٹ آف سیل سسٹم کے تحت پہلی قرعہ اندازی

اسلام آباد: (ویب ڈیسک) فیڈرل بورڈآف ریونیو (ایف بی آر) کی جانب سے پی اوایس سسٹم پرانعامات دینے کا آغا کر دیا گیاہے۔
ایف بی آرنے پہلی کمپیوٹرائزڈ قرعہ اندازی میں 5 کروڑ 30 لاکھ روپے کے انعامات جیتنے والوں کے اعلانات کر دیے ہیں، انعامی رقم سے نان فائلرسے 40 فیصد اور فائلر سے20 فیصد ودہولڈنگ ٹیکس کی کٹوتی ہو گی۔
چیئرمین ایف بی آر اشفاق احمد کہتے ہیں کہ جو فراڈ کریں گے ان کوبندکریں گے کاروبارنہیں کرنے دیں گے ملک بھر میں 3 ہزار رٹیلرز اور چین اسٹورز پی او ایس نصب کرکے ایف بی آر کے سسٹم سے منسلک ہوچکے ہیں،ملک میں ٹیکس وصولی آٹومیشن کے ذریعے کررہے ہیں،آٹومیشن سے ٹیکس چوری میں کمی ہوسکتی ہے۔
ایف بی آرکی جانب سے پی اوایس سسٹم پرانعامات دینے سے متعلق اسلام آبادمیں تقریب کاانعقادکیاگیا۔ٹیئرون ریٹیل آؤٹ لیٹس سے خریداری کرنے پرانعامی سکیم کاآغازکیاگیاہے۔
انعامی اسکیم کیلئے کمپیوٹرائزڈ قرعہ اندازی ہرماہ کی15تاریخ کو ہو گی،ابتدائی طورپرانعامات مالیت 10 لاکھ روپے کا پہلا انعام تنویر احمد کا نکلا جبکہ دوسرا انعام فرحان اکرام اور آفتاب احمد کا 5 لاکھ روپے کا نکلا۔
پابندی کے باوجود انعام جیتنے والوں میں FBR اعلیٰ افسران بھی شامل
فیڈرل بورڈ آف ریونیو کی جانب سے پوائنٹ آف سیل پر انعامات کیلیے کی جانے والی قرعہ اندازی میں انعام جیتنے والے خوش نصیبوں میں فیڈرل بورڈآف ریونیو کے افسران بھی شامل ہیں۔
ذرائع کے مطابق گزشتہ روزایف بی آر ہیڈکوارٹرمیں ہونے والی قرعہ اندازی میں ایف بی آرکے بعض افسران کے بھی نام نکلے ہیں۔ اس کے علاوہ ایڈورٹائزنگ ایجنسیوں سے منسلک حکام کے نام بھی شامل ہیں۔
ترجمان نے بتایاکہ فیڈرل بورڈ آف ریونیوکے صرف گریڈبیس اوراس سے اوپر کے افسران کیلئے اس انعامی اسکیم میں شمولیت پر پابندی عائد کی گئی تھی۔ باقی ملازمین و افسران پر کوئی پابندی نہیں تھی۔ یہ انعامی اسکیم صاف و شفاف ہے اور میڈیا کے سامنے کمپیوٹررائزڈ قرعہ اندازی کی گئی۔