لاہور: (ویب ڈیسک)
ایچ بی ایل پی ایس ایل 7 میں کوئٹہ گلیڈی ایٹرز نے کراچی کنگز کو جیت کے لئے 167 رنز کا ہدف دے دیا۔
لاہور کے قذافی اسٹیڈیم میں کھیلے جارہے ایچ بی ایل پی ایس ایل کے 7ویں ایڈیشن کے 28ویں میچ میں کوئٹہ گلیڈی ایٹرز نے کراچی کنگز کے خلاف ٹاس جیت کر بیٹنگ کا فیصلہ کیا۔
کوئٹہ گلیڈی ایٹرز کی جانب سے جیسن روئے اور ول سمید نے اننگز کا آغاز کیا تاہم ول سمید غلط شارٹ کھیلنے ہوئے 10 رنز بنانے کے بعد عثمان شنواری کی گیند پر لوئس گریگوری کے ہاتھوں کیچ آؤٹ ہوئے۔
تیسرے نمبر پر آنے والے بیٹسمین جیمز ونس نے جیسن روئے کے ساتھ مل کر اسکور بورڈ کو آگے بڑھایا اور 117 رنز کے مجموعی اسکور پر جیمز ونس 29 رنز بنانے کے بعد آؤٹ ہوگئے۔
اگلے آنے والے بیٹسمین عمر اکمل بھی محض 2 رنز بنانے کے بعد واپس پویلین چلتے بنے جس کے بعد جیسن روئے شاندار 82 رنز بنانے کے بعد میر حمزہ کی گیند پر آؤٹ ہوگئے۔
