مقبوضہ بیت المقدس: (ویب ڈیسک) مغربی کنارے میں صیہونی فورسز کی ظالمانہ کارروائیوں کے نتیجے میں 14 سالہ لڑکے سمیت 3 فلسطینی شہید ہو گئے۔
غیرملکی میڈیا کے مطابق تینوں فلسطینیوں کو گولیاں مار کر شہید کیا گیا۔ فلسطینی وزارت صحت کا کہنا ہے کہ شہید ہونے والوں میں چودہ سالہ لڑکا بھی شامل ہے۔
اس سے قبل بھی اسرائیلی فورسز نے چونتیس سالہ فلسطینی شہری کو گولی مار کر شہید کیا تھا جس کی شناخت محمد حسن محمد آصف کے نام سے ہوئی تھی۔
