نئی دہلی: (ویب ڈیسک) بھارت کے دارالحکومت نئی دہلی کے علاقے جہانگیر پوری میں مسلمانوں کو نشانہ بنانے کا سلسلہ جاری ہے، گھروں اور دکانوں کو مسمار کرنے کے خلاف مظاہرہ کرنے پر درجنوں نوجوانوں کو گرفتار کر لیا گیا۔
مودی کے دیس میں مسلمان ہونا سب سے بڑا جرم بن گیا، دلی کے علاقے جہانگیر پوری میں مسلمانوں پر ظلم و ستم جاری، جہانگیر پوری آپریشن کے متاثرین نے مودی سرکار کی ظالمانہ کارروائی کے خلاف مظاہرہ کیا تو پولیس پر امن مظاہرین پر ٹوٹ پڑی، اپنے حق کے لیے آواز بلند کرنے والے درجنوں نوجوان گرفتار ہوگئے۔
متاثرین کا کہنا ہے کہ انہیں صرف مسلمان ہونے کی بنا پر نشانہ بنایا جا رہا ہے، اپوزیشن رہنما، ششی تھرور نے مودی سرکار کو سامراج قرار دے دیا۔
ہندو انتہا پسند گروپ کے ساتھ جھڑپوں کے بعد جہانگیر پوری میں مسلمانوں کی بستی کو ملیا میٹ کرنے کی کوشش کی گئی تاہم فی الحال عدالتی حکم پر آپریشن روک دیا گیا ہے۔
