لاڑکانہ: (ویب ڈیسک) سابق صدر آصف زرداری نے کہا ہے کہ میں نے 14 سال جیل میں وقت ضائع نہیں کیا بلکہ کتابیں پڑھیں۔
شہید بینظیر بھٹو کی 69ویں سالگرہ کی تقریب سے خطاب کرتے ہوئے انہوں نے کہا کہ میں نےجیل میں تاریخ کا علم حاصل کیا، جیل میں سوچتا رہا ،پڑھتا رہا، جیل میں انقلابات اورمختلف معاشروں پر علم حاصل کیا اپنی روح اور ذہن کو مضبوط کیا۔
آصف زرداری نے کہا کہ پاکستان کےتمام مسائل کا حل چین کے ساتھ مضبوط رابطوں میں مضمر ہے، موقع ملا تو پاکستانی وسائل بروئےکارلا کراس کےثمرات ہر پاکستانی تک پہنچائیں گے۔
ان کا کہنا تھا کہ پارٹی میں نوجوانوں کو آگے لانے کی ضرورت ہے، بینظیربھٹو نےنوجوانوں کوپارٹی کی سینٹرل ایگزیکٹوکمیٹی میں شامل کیا ہے۔
انہوں نے کہا کہ نوجوان بینظیر بھٹو کی دو کتابیں ڈاٹر آف دی ایسٹ اور ری کنسلی ا یشن ضرور پڑھیں۔
