پاک انگلینڈ ٹیسٹ سیریز کا مجوزہ شیڈول تیار

لاہور: (ویب ڈیسک) تقریباً 17 سال کے بعد انگلینڈ کے دورہ پاکستان کے دوران ہونے والی ٹیسٹ سیریز کا مجوزہ شیڈول تیار کر لیا گیا۔
یاد رہے کہ انگلش ٹیم ٹیسٹ میچز سے قبل پاکستان میں ٹی 20 میچز بھی کھیلے گی، جس کے لیے وہ آئندہ ماہ آئے گی، میچز کراچی اور لاہور میں کھیلے جائیں گے۔
ذرائع کے مطابق انگلش ٹیم رواں برس دسمبر میں پاکستان میں ٹیسٹ سیریز کھیلے گی، میچز راولپنڈی، ملتان اور کراچی میں کرائے جانے کی تجویز ہے ہے۔ پاکستان اور انگلینڈ کے درمیان پہلا ٹیسٹ یکم دسمبر سے راولپنڈی میں کھیلنے کی تجویز دی گئی ہے۔
ذرائع کے مطابق دونوں ٹیموں کے درمیان دوسرا مقابلہ 9 دسمبر سے جبکہ تیسرا میچ 17 دسمبر سے کراچی میں ہوگا۔ وینیو پر دونوں بورڈز میں اتفاق ہوگیا ہے جبکہ ٹیسٹ میچز کی حتمی تاریخوں کا اعلان بھی جلد ہوگا۔