تازہ تر ین

پہلا ون ڈے: پاکستان کا نیدرلینڈز کو جیت کیلئے 315 رنز کا ہدف

روٹرڈیم: (ویب ڈیسک) پاکستان اور نیدرلینڈز کے درمیان کھیلے جا رہے پہلے ون ڈے میچ پاکستان نے نیدرلینڈز کو جیت کے لیے 315 رنز کا ہدف دیا ہے۔
نیدرلینڈز کے شہر روٹرڈیم میں کھیلے جارہے میچ میں پاکستان کے کپتان بابر اعظم نے ٹاس جیت کر پہلے بیٹنگ کا فیصلہ کیا۔
پاکستان نے پہلےکھیلتے ہوئے مقررہ 50 اوورز میں 6 وکٹ کے نقصان پر 314 رنز بنائے۔
پاکستان کی جانب سے اننگز کے آغاز میں اوپنر امام الحق محض دو رنز پر پویلین واپس لوٹ گئے۔
ان کے بعد فخر زمان اور بابر اعظم نے ذمہ دارانہ بیٹنگ کی، فخرزمان 109 رنز بناکر نمایاں رہے جب کہ بابراعظم نے 74 رنز اسکور کیے، شاداب خان نے 28 گیندوں پر 48 رنز کی ناقابل شکست اننگز کھیلی۔
نیدرلینڈز کی جانب سے باسڈی لیڈے اور لوگان وین بیک نے دو، دو وکٹیں حاصل کیں۔
واضح رہے کہ دونوں ٹیموں کے درمیان 3 ایک روزہ میچز کھیلے جائیں گے، دوسرا میچ 18 اگست اور تیسرا 21 اگست کو کھیلا جائے گا۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain