دبئی: (ویب ڈیسک) پاکستان کرکٹ ٹیم کے وکٹ کیپر بیٹر محمد رضوان نے بھارت کیخلاف ایشیا کپ ٹی ٹوئنٹی ٹورنامنٹ کے میچ سے قبل ٹوئٹ کی ہے۔
اپنی ٹوئٹ میں محمد رضوان نے لکھا کہ ’جب بھی ہمارے وطن عزیز پر آزمائش آئی ہے، ہماری پوری قوم نے زندہ ہونے کا ثبوت دیا ہے۔ یہ سیلاب تباہ کن ہے لیکن اس نے ہمیں اپنے ملک پاکستان کیلئے متحد ہونے کا موقع دیا ہے، یہ موقع متاثرین کی امداد کا ہے جو ہمارے منتظر ہیں۔‘
رضوان نے مزید کہا کہ ’انتظار نہ کریں، آگے بڑھیں پاکستان کیلئے۔‘
خیال رہے کہ ایشیا کپ میں 28 اگست بروز اتوار پاکستان اور بھارت مدمقابل ہوں گے۔ میچ شام 7 بجے شروع ہوگا۔
