ٹی ٹوئنٹی ورلڈکپ : پاک بھارت میچ بارش سے متاثر ہونےکا امکان

آسٹریلیا : (ویب ڈیسک) ٹی ٹوئنٹی ورلڈکپ 2022 میں پاک بھارت میچ بارش کی نذر ہونے کا امکان ہے۔ آسٹریلیا کے محکمہ موسمیات نےاتوار 23 اکتوبرکو میلبورن میں موسلا دھار بارش کی پیش گوئی کردی۔ پیش گوئی کے مطابق پاک بھارت میچ بارش سے متاثر ہونے کا امکان ہے۔ آسٹریلیا میں ہونے والے ٹی ٹوئنٹی ورلڈکپ میں 23 اکتوبرکو پاکستان اور بھارت میلبورن میں آمنے سامنے ہوں گے۔میلبورن میں میچ کے تمام ٹکٹ فروخت ہوچکے ہیں۔ رپورٹ کے مطابق میچ بارش سے متاثر ہونےکی صورت میں دونوں ٹیموں کو ایک ایک پوائنٹ ملےگا۔ پاکستان اور بھارت کی ٹیموں کو گروپ بی میں رکھا گیا ہے۔ گروپ میں دوسری ٹیمیں بنگلہ دیش اور جنوبی افریقہ ہیں۔ اس گروپ میں مزید دو ٹیمیں ہوں گی جو کوالیفائر میں حصہ لینے کے بعد جوائن کریں گی۔