للاہور(سپورٹس ڈیسک)پاکستان کرکٹ ٹیم کے کپتان شاہین شاہ آفریدی، اوپنر فخر زمان اور فاسٹ بولر حارث رف نے آئی سی سی کی تازہ ون ڈے رینکنگ میں نمایاں ترقی حاصل کرلی۔ انگلینڈ اور سری لنکا کے خلاف حالیہ سہ ملکی سیریز میں عمدہ کارکردگی نے پاکستانی کھلاڑیوں کی انفرادی درجہ بندی بہتر بنانے میں اہم کردار ادا کیا۔آئی سی سی کی تازہ بیٹنگ رینکنگ میں سابق کپتان بابراعظم 661 پوائنٹس کے ساتھ بدستور 9ویں نمبر پر موجود ہیں، جبکہ سلمان علی آغا 622 پوائنٹس کے ساتھ 13ویں پوزیشن برقرار رکھنے میں کامیاب رہے۔سہ ملکی سیریز میں 99 گیندوں پر 127 رنز کی شاندار اننگز کھیلنے والے فخر زمان نے 9 درجے ترقی کرتے ہوئے 548 پوائنٹس کے ساتھ 37ویں پوزیشن حاصل کرلی۔ ان کی اننگز میں 11 چوکے اور 6 چھکے شامل تھے۔
آئی سی سی ون ڈے رینکنگ شاہین آفریدی ٹاپ 5 بولرز میں شامل
