کراچی میں پولیس کے 5 مبینہ مقابلے، موٹر سائیکل لفٹر ہلاک، 7 زخمی

کراچی (این این آئی) شہر کے مختلف علاقوں میں پولیس نے پانچ مبینہ مقابلوں کے دوران موٹر سائیکل لفٹنگ میں ملوث ایک ملزم کو ہلاک جبکہ 7 زخمیوں سمیت 11 ملزمان کو گرفتار کرلیا۔ پولیس نے گرفتار اور ہلاک ملزمان کے قبضے سے اسلحہ، گولیاں، موبائل فونز، نقد رقم اور مسروقہ موٹر سائیکلیں برآمد کرنے کا دعویٰ کیا ہے۔ تفصیلات کے مطابق بوٹ بیسن پولیس نے منگل اور بدھ کی درمیانی شب اتوار بازار کلفٹن بلاک 2 کے قریب مبینہ مقابلے کے بعد ایک ملزم کو زخمی حالت میں گرفتار کرلیا۔ ایس ایس پی ڈسٹرکٹ ساؤتھ مہزور علی کے ترجمان کے مطابق گرفتار ملزم کی شناخت 40 سالہ منظور احمد ولد محمد رمضان کے نام سے ہوئی ہے، جبکہ اس کا ساتھی فرار ہونے میں کامیاب ہوگیا۔ ملزم کے قبضے سے 9 ایم ایم پستول بمعہ گولیاں، موبائل فون اور نقد رقم برآمد ہوئی۔ زخمی ملزم کو طبی امداد کے لیے جناح اسپتال منتقل کردیا گیا۔شارع نورجہاں پولیس نے منگل اور بدھ کی درمیانی شب نارتھ ناظم آباد بلاک ٹی، ٹینکی گراؤنڈ کے قریب مبینہ مقابلے کے بعد دو زخمیوں سمیت چار ملزمان کو گرفتار کرلیا۔