مایا علی بین الاقوامی عرب فیسٹیول ایوارڈز کیلئے نامزد

لاہور: (ویب ڈیسک) پاکستان شوبز انڈسٹری کی خوبرو اداکارہ مایا علی کو بین الاقوامی ایوارڈ کیلئے نامزد کرلیا گیا۔
مایا علی کو بین الاقوامی عرب فیسٹیول ایوارڈز DIAFA کی جانب سے پاکستان کی بہترین اداکارہ کے خصوصی ایوارڈ کیلئے نامزد کیا گیا ہے۔
ڈسٹنکٹو انٹرنیشنل عرب فیسٹیول ایوارڈز DIAFA نے اپنے انسٹا گرام پر مایا علی کو ٹیگ کرتے ہوئے ان کی نامزدگی کا اعلان کیا ہے۔
یاد رہے کہ اس سے قبل 2020میں سجل علی جبکہ 2019 میں پاکستان کی سپر سٹار ماہرہ خان نے یہ ایوارڈ اپنے نام کیا تھا۔
واضح رہے کہ عالمی سطح پر تسلیم شدہ ڈسٹنکٹو انٹرنیشنل عرب فیسٹیول ایوارڈز سالانہ ایوارڈز کی ایک ایسی تقریب ہے جس میں ممتاز بین الاقوامی اور عرب شخصیات کو ان کی کامیابیوں، اور معاشرے کی بہتری میں شراکت کے اعتراف میں اعزاز سے نوازا جاتا ہے۔