کراچی: (ویب ڈیسک) قومی خواتین کرکٹ ٹیم آسٹریلیا سے سیریز کھیلنے کے لیے کراچی سے روانہ ہو گی۔
پاکستان ویمن ٹیم کل رات دبئی سے برسبن پہنچے گی، پاکستان ویمن ٹیم بسمہ معروف کی زیر قیادت آسٹریلیا میں تین ون ڈے اور تین ٹی ٹونٹی میچز کی سیریز کھیلے گی۔
16 جنوری سے میزبان اور موجودہ چیمپئن آسٹریلیا، برسبین، سڈنی، ہوبارٹ اور کینبرامیں پاکستان کی قومی خواتین کرکٹ ٹیم کی ون ڈے اور ٹی ٹوئنٹی سیریز میں میزبانی کرے گا، ون ڈے سیریز 2025-2022 آئی سی سی ویمنز چیمپئن شپ کا حصہ ہے۔
واضح رہے کہ گزشتہ روز پاکستان میں آسٹریلیا کے ہائی کمشنر نیل ہاکنز نے پاکستان کی قومی خواتین کرکٹ ٹیم سے ملاقات کی اور آسٹریلیا کے دورے سے قبل نیک خواہشات کا اظہار کیا۔
