اسلام آباد: مفتی عبدالشکور ٹریفک حادثے کا مقدمہ درج کر لیا گیا

اسلام آباد: (ویب ڈیسک) جے یو آئی رہنما حاجی قدرت اللہ کی مدعیت میں مفتی عبدالشکور ٹریفک حادثے کا مقدمہ تھانہ سیکرٹریٹ اسلام آباد میں درج کر لیا گیا۔
مقدمہ میں درخواست گزار نے مؤقف اپنایا کہ مولانا افطاری سے پہلے میرے گھر آئے، 8 بجکر 22 منٹ پر مولانا میرے گھر سے پارلیمنٹ لاجز کیلئے نکلے، رات 10 بجے میرے کک کو سرکاری ڈرائیور نے حادثے سے متعلق آگاہ کیا۔
مولانا اپنی سرکاری گاڑی کو خود چلاکر لے جا رہےتھے، ویگو ڈالے کے ڈرائیور نے غفلت، لاپرواہی اور تیز رفتاری سے گاڑی چلاتے ہوئے مولانا کی گاڑی کو ہٹ کیا، مفتی عبدالشکور کی موقع پر موت واقع ہوگئی۔
مقدمہ میں درخواست کی گئی ہے کہ واقعہ انتہائی حساس نوعیت کا ہے، ہر پہلو کو ملحوظ خاطر رکھ کر کارروائی کی جائے۔