وزیراعظم اپنا گھر پروگرام، ہائوسنگ فنانس کیلئے جائیداد کاغذات کی تعداد 5کردی گئی

اسلام آباد(این این آئی)وزیراعظم کی ہدایت پر وزیراعظم اپنا گھر پروگرام کے تحت ہائوسنگ فنانس
کے لیے بینکوں کو جمع کرائے جانے والے جائیداد کے کاغذات کی تعداد کم کرکے پانچ کردی گئی ہے۔ سٹیٹ بینک آف پاکستان نے اس حوالے سے بینکوں کو باقاعدہ ہدایات جاری کردی ہیں، ضروری دستاویزات میں ٹرانسفر لیٹر،پوزیشن لیٹر، سائٹ پلان، مارگیج اجازت نامہ اور اندراجِ رہن شامل ہیں۔وزیراعظم اپنا گھر پروگرام وزارتِ ہائوسنگ کا ملک گیر ہاسنگ لون منصوبہ ہے، جس کے تحت پہلی بار گھر بنانے کے لیے شہریوں کو ایک کروڑ روپے تک قرض فراہم کیا جا رہا ہے۔حکومت کے مطابق دستاویزات کو کم سے کم اور معیاری بنانیکا مقصد صارفین کے لیے اسکیم میں آسانیاں پیدا کرنا اور گھر کی تعمیر کے لیے قرضوں تک رسائی بہتر بنانا ہے۔