گوہر خان اور زید دربار کے ہاں بیٹے کی پیدائش

ممبئی: (ویب ڈیسک) بھارتی اداکارہ گوہر خان اور زید دربار کے ہاں پہلے بچے کی پیدائش ہوئی ہے۔
ایک اینیمیٹڈ ویڈیو کے ذریعے گوہر خان نے پہلی بار والدین بننے کی خوشخبری اپنے مداحوں کو دی۔
انہوں نے انسٹاگرام پر اعلان کرتے ہوئے کہا کہ ’لڑکا ہوا ہے، ہماری خوشی کا محور آپ سب کو السلام علیکم کہتا ہے‘۔
پوسٹ میں انہوں نے مزید بتایا کہ اس کی آمد 10 مئی 2023 کو ہوئی ہے جس کے بعد ہمیں احساس ہوا کہ اصل خوشی کیا ہوتی ہے۔
زید اور گوہر نے کہا کہ ہمارا بیٹا محبت اور دعا دینے پر آپ سب کا شکرگزار ہے۔
یاد رہے کہ معروف سلیبرٹی جوڑا گوہر خان اور زید دربار دسمبر 2020 میں شادی کے بندھن میں بندھا تھا، تقریباً دو سال بعد دسمبر 2022 میں گوہر خان نے اپنے حاملہ ہونے کا اعلان کیا تھا۔