اسلام آباد میں قیام ایک دن سے زیادہ ہوسکتا ہے، کارکن انتظامات کرکے آئیں، جے یو آئی قیادت کا پیغام

پشاور:(ویب ڈیسک) جمیعت علماء اسلام کے رہنماسینیٹرعطاالرحمان نے کہا ہے کہ احتجاج ایک دن سے زائدکا ہوسکتا ہے،اس لیےکارکنان کو ایک سے زائد دن کے کپڑے اور خوراک ساتھ لانے کی ہدایت کی ہے۔ پشاور میں میڈیا سے گفتگو کرتے ہوئے مولانا عطا الرحمان نے کہا کہ جس وقت پی ٹی آئی کے سربراہ عمران خان کے خلاف کاروائی ہوئی توپورے ملک میں ہنگامے کیے گیے، احتجاج سیاسی کارکن کا حق ہے لیکن توڑ پھوڑ نہیں کی جاتی، ہم نے پندرہ ملین مارچ اورچودہ روزہ اسلام آباد آزادی مارچ کیا لیکن ایک گملا تک نہیں ٹوٹا مگر اب جس طرح سرکاری املاک کونقصان پہنچایا گیا اور ٹوڑ پھوڑکی گئی اُس کی نظیر نہیں ملتی، ہم اس کی مذمت کرتے ہیں۔ انہوں نے کہا کہ حالیہ واقعات سے اب ثابت ہوچکا کہ عمران خان فتنہ ہے جو ملک کو ہر صورت نقصان پہنچائے گا، ہم تحریک انصاف کو سیاسی تنظیم ہیں مانتے ان پرپابندی عائد کی جائے۔