پشاور میں تاریخی قائد اعظم ہاؤس کی تزئین اور آرائش اور بحالی کا فیصلہ کیا گیا ہے۔
کمشنر پشاور نے نشترآباد کے علاقے میں 1935 میں بننے والے قائدِاعظم ہاوس میں پرانے طرز کے ٹف ٹائلزاور چھتوں کی پرانی طرز پر دوبارہ تعمیر اور دیواروں پر قدیمی طرز کا پلستر کرنے کی ہدایت کی ہے۔
پشاور میں قدیم اور تاریخی عمارتوں کی صورتحال کا جائزہ لینے کے ڈپٹی کمشنر پشاور آفاق وزیر کی زیر صدارت اجلاس ہوا جس میں پشاور نشتر آباد میں قائم تاریخی قائد اعظم ہاؤس کی تزئین و آرائش اور تاریخی حیثیت کی بحالی کا فیصلہ کیا گیا۔ اجلاس میں قائد اعظم ہاؤس کے مالک کو بھی خصوصی طور پر مدعو کیا گیا تھا۔
خستہ حال قائد اعظم ہاوس کی تزئین و آرائش کی جائے گی اور پرانے طرز کے ٹف ٹائلزجبکہ چھتوں کی پرانی طرز پر دوبارہ تعمیر اور دیواروں پر قدیم طرز کا سرخ پلستر کیا جائے گا۔ پشاور ڈبگری میں قائم سکھوں کے تاریخی گوردوارہ کی تزئین و آرائش اور اس کی تاریخی حیثیت کی بحالی کا بھی فیصلہ کیا گیا ہے۔
