ریڈیو کی دنیا کے معروف ترین شخصیت امین سایانی 91 سال کی عمر میں انتقال کر گئے، بیٹے کی جانب سے تصدیق کی گئی کہ والد کو اسپتال منتقل کیا گیا تھا جہاں وہ چل بسے۔
بھارت میں ریڈیو کی دنیا کا مقبول ترین نام، امین سایانی گزشتہ رات انتقال کر گئے، 1932 میں پیدا ہونے والے امین سایانی نے کئی مشہور پروگرامز بھی کیے۔
ان کے بیٹے راجل سایانی کا کہنا تھا کہ والد کو گزشتہ رات اسپتال منتقل کیا گیا تھا، تاہم وہ گزشتہ رات انتقال کر گئے۔ والد کی آخری رسومات کے اعلان سے متعلق بتایا کہ آخری رسومات سے متعلق باقاعدہ اعلان کیا جائے گا۔
واضح رہے امین سایانی نے 19 ہزار وائس اوورز کیے تھے، جبکہ 6 عشروں تک کام کرنے والے امین سایانی نے 54 ہزار ریڈیو پروگرامز کیے، جو کہ سامعین کو خوب بھا گئے۔
جبکہ امین سایانی نے چند فلموں میں بھی اداکاری کے جوہر دکھائے تھے۔
