سربراہ جمیعت علمائے اسلام مولانا فضل الرحمان کا کہنا ہے کہ ، ’آزادی مارچ پھر کریں گے دیکھیں انتظار کریں۔‘
پارلیمنٹ آمد پر میڈیا سے گفتگو میں پھر سے آزادی مارچ کا اعلان کرنے والے کرنے والے مولانا فضل الرحمان نے کہا قومی اسمبلی پانچ سال پورے کرتی نظر نہیں آتی۔
انہوں نے تبصرہ کیا کہ ’یہ اسمبلی نہیں کوئی اور چیز ہے۔‘
ماضی میں اتحادی حکومت کا حصہ رہنے والے فضل الرحمان آج قومی اسمبلی کے افتتاحی اجلاس میں حلف برداری کے لیے پہنچے تھے۔
انہوں نے اسپیکر ڈائس کے سامنے قائد مسلم لیگ ن نوازشریف سے ملاقات بھی کی۔
