حال ہی میں بالی ووڈ ادا کارہ سوناکشی سہنا سے ایک انٹرویو میں جب پوچھا گیا کہ سلمان خان کو ملک کے سب سے بڑے سپر اسٹاروں میں سے ایک کیوں بناتا ہے تو سوناکشی نے کہا کہ انہوں نے ناظرین سے جڑنے کا ایک طریقہ ڈھونڈ لیا ہے۔
بالی ووڈ ادا کارہ اور ماضی کے مشہور اداکارشترو گن سہنا کی صاحبزادی سوناکشی سنہا نے 2010 میں سلمان خان کی فلم “دبنگ “سے اپنے فلمی کیریئر کا آغاز کیا تھا۔
سوناکشی نے سلمان خان کے ساتھ کئی فلموں میں کام کیا ہے اور انہوں نے کہا کہ سلمان خان کام کے معاملے میں کافی ”لاپرواہ“ ہیں، لیکن وہ اپنے کام کے ساتھ انتہائی ”کمیٹڈ“ بھی ہیں۔ وہ سیٹ کو اس وقت تک نہیں چھورتے، جب تک کام مکمل نہ ہو جائے۔
اپنے یوٹیوب چینل پر راج شامانی سے بات کرتے ہوئے سوناکشی نے سلمان جیسے ستاروں کی مستقل مقبولیت کے بارے میں بات کی۔
انہوں نے کہا کہ، میرے خیال میں یہ اپنے ناظرین سے جڑے رہنا ہے، جو انہیں خاص بنانے میں کامیاب رہا ہے۔ اور یہ آپ جو کچھ کررہے ہوتے ہیں اس کے ساتھ بہت زیادہ کمٹمنٹ سے آتا ہے۔اور وہ ایسا کرنے میں کامیاب رہے ہیں۔ اور یہی وجہ ہے کہ میری اپنے کام کے ساتھ کمٹمنٹ ہے، جسے لوگ پسند کرتے ہیں اور یہی میری طاقت ہے ۔اور یہی ان کی طاقت ہے، جو وہ کئی سالوں سے کر رہے ہیں، اور لوگ ان سے آج بھی بے پناہ محبت کرتے ہیں۔
