بولی وڈ اداکارہ تاپسی پنوں نے انکشاف کیا ہے کہ فلم پروڈکشن کے مشکل وقت میں اداکارہ دیا مرزا نے ان کا بہت ساتھ دیا۔
ایک انٹرویو میں اداکارہ نے بتایا کہ فلم بنانا آسان کام نہیں ہے اور ان کے شریک پروڈیوسر اپنے حصے کی رقم لے کر پروجیکٹ سے الگ ہوگئے تھے۔
تاپسی پنوں نے بتایا کہ فلم اگر بڑے بجٹ کی نہ ہو تو بھی فلم اسٹوڈیوز تھیٹر آنے سے قبل ہی بڑی رقم وصول کرلیتے ہیں۔
اداکارہ کے مطابق تھیٹر والے صرف ایک ٹوکن رقم دیتے ہیں جبکہ وہ تشہیری مہم پر کوئی رقم بھی نہیں لگاتے ہیں۔
یاد رہے کہ تاپسی پنوں نے 2022ءمیں ہدایت کار ترون دودیجا کی فلم ’دھک دھک‘ کو پروڈیوس کیا تھا، جسے شائقین کی جانب سے مثبت ردعمل نہیں مل سکا تھا اور فلم باکس آفس پر کامیاب نہ ہوسکی تھی۔
خیال رہے کہ بھارتی اداکارہ تاپسی پنو نے فلم ‘ چشمِ بدور’ سے بالی وڈ ڈیبیو دیا جس میں ان کے ہمراہ پاکستانی اداکار و گلوکار علی ظفر کو کاسٹ کیا گیا۔
2013 میں ریلیز ہونے والی یہ فلم ایک کامیڈی مووی تھی جس میں دونوں کی اداکاری کی ضرور پسند کیا گیا لیکن فلم باکس آفس پر زیادہ کامیاب ثابت نہیں ہوئی۔
سال 2016 میں تاپسی نے فلم ‘پنک’ میں کام کیا جس میں ان کی شاندار اداکاری سب کی توجہ کا مرکز بن گئی اور وہ ایک بہترین اداکارہ کے طور پر ابھر کر سامنے آئیں۔
