پاکستانی اداکارہ مہوش حیات کی اداکار و ماڈل سچل افضل کے ساتھ رومانوی تصویر نے سوشل میڈیا پر تہلکہ مچادیا۔
مہوش حیات اپنی بہترین اداکاری اور دلکش اداؤں کے سبب شہرت کے آسمان چھونے میں کامیاب رہی ہیں۔
ڈراما ’دل لگی‘ میں مہوش حیات ہمایوں سعید کے ساتھ اداکاری کے جوہر دکھاتی نظر آئیں جبکہ انکی کامیاب فلموں میں ’جوانی پھر نہیں آنی‘ ، ’ایکٹر اِن لاء‘ ، ’جوانی پھر نہیں آنی 2‘ ، ’ لوڈ شیڈنگ‘ ، ’پنجاب نہیں جاؤنگی‘ ، ’لندن نہیں جاؤنگا‘ اور ’تیری میری کہانیاں‘ شامل ہیں۔
شاندار کریئر کے باوجود مہوش حیات کا نہ کسی کے ساتھ افیئر منظرِ عام پر آیا اور نہ ہی انہوں نے شادی کی۔
اداکارہ نے اپنے انٹرویو میں بھی یہی کہا تھا کہ ’وہ ابھی اپنے کریئر پر توجہ مرکوز کرکے بیٹھی ہوئی ہیں اور شادی کا ارادہ نہیں لیکن اگر کوئی ایسا مل گیا جو دل کو بھاگیا تو کرلونگی شادی‘۔
اب سوشل میڈیا صارفین کو ایسا لگ رہا ہے کہ شاید مہوش حیات کا دل جیتنے میں ایک شخص کامیاب ہوگیا ہے اور اسی سے اداکارہ کی قربتیں بڑھ رہی ہیں۔
پاکستانی ماڈل و اداکار سچل افضل نے فوٹو اینڈ ویڈیو شیئرنگ ایپ انسٹاگرام پر ایک پوسٹ جاری کی ہے جس میں وہ سیاہ شرٹ اور پینٹس میں پوز دیتے دکھے۔
پوسٹ میں شامل دوسری تصویر میں سچل افضل کے ساتھ مہوش حیات کو دیکھا جاسکتا ہے۔
مذکورہ تصویر میں مہوش حیات اور سچل افضل رومانوی انداز میں ایک دوسرے کی آنکھوں میں دیکھ رہے ہیں اور ایک دوسرے کے ہاتھ بھی تھام رکھے ہیں۔
اس پوسٹ کے کمنٹ سیکشن میں سوشل میڈیا صارفین کی ایک بڑی تعداد ریلیشنشپ آفیشل کرنے سے متعلق سوال کرتے نظر آرہی ہے۔
ایک صارف نے لکھا کہ ’ کیا آپ دونوں ریلیشن شپ میں ہیں؟‘ ایک اور صارف نے لکھا کہ ’لڑکے نے سیدھا لکھا ہے کہ اسے نئی جنریشن کی لڑکیاں پسند نہیں ہیں، اسے اپنی عمر سے بڑی لڑکیاں پسند ہیں‘۔
ایک اور انسٹاگرام صارف نے لکھا کہ ’ آنٹیاں کھا گئیں نوجوان کیسے کیسے‘ جبکہ ایک صارف نے لکھا کہ ’بڑی بہن ہے کیا؟‘
واضح رہے کہ سچل افضل 27 اگست 1995 کو پاکستان کے شہر گجرانوالا میں پیدا ہوئے۔
