جنیوا: عالمی ادارہ صحت (ڈبلیو ایچ او) کے ڈائریکٹر جنرل ڈاکٹر ٹیڈروس ایڈھانوم گیبریئس نے ڈیموکریٹک ریپبلک آف کانگو میں منکی پاکس کا اضافہ اور افریقہ کے ممالک میں اس کی بڑھتی تعداد کے پیش نظر اسے بین الاقوامی عوامی صحت کی ہنگامی صورتحال قرار دے دیا ہے۔
ڈاکٹر ٹیڈروس کا یہ اعلان آزاد ماہرین کی ایک ایمرجنسی کمیٹی کے مشورے پر آیا جس نے ڈبلیو ایچ او اور متاثرہ ممالک کے ماہرین کے پیش کردہ ڈیٹا کا جائزہ لینے کے بعد یہ فیصلہ کیا۔
کمیٹی نے ڈائریکٹر جنرل کو مطلع کیا کہ وہ منکی پاکس کے اضافے کو ایک ہیلتھ ایمرجنسی سمجھتی ہے جس کے افریقی ممالک میں اور ممکنہ طور پر براعظم سے باہر پھیلنے کا خدشہ ہے۔
ڈائریکٹر جنرل کمیٹی کے اجلاس کی رپورٹ شیئر کریں گے اور کمیٹی کے مشورے کی بنیاد پر منکی پاکس کی روک تھام کے حوالے سے ممالک کو عارضی سفارشات جاری کی جائیں گی ۔
