بھارتی کرکٹر محمد سراج نے جنوبی افریقا کے سابق فاسٹ بولر ڈیل اسٹین کی پیشگوئی درست ثابت کر دی۔
ڈیل اسٹین نے اوول ٹیسٹ سے ایک روز قبل محمد سراج کے 5 وکٹیں لینے کی پیشگوئی کی تھی۔
سابق جنوبی افریقی کرکٹر نے سوشل میڈیا پر پوسٹ شیئر کرتے ہوئے لکھا تھا کہ محمد سراج 5 ویں ٹیسٹ میچ میں 5 وکٹیں لیں گے۔
ٹیسٹ میچ کے اختتام پر فاسٹ بولر محمد سراج نے ڈیل اسٹین کی پوسٹ کا جواب دیا۔
محمد سراج نے لکھا، ’آپ نے کہا میں نے کر دیا، آپ کا کہنا میرے لیے قابل قدر ہے۔‘
خیال رہے کہ محمد سراج نے اوول ٹیسٹ کی دوسری اننگز میں 104رنز دے کر 5 وکٹیں حاصل کی تھیں اور انہوں نے پہلی اننگز میں 4 وکٹیں اپنے نام کی تھیں۔
سراج نے سنسنی خیز لمحات میں انگلینڈ کی آخری وکٹ حاصل کی اور بھارت کو کامیابی دلائی تھی، وہ اوول ٹیسٹ میں مین آف دی میچ قرار پائے۔
بھارت نے آخری ٹیسٹ میچ میں 6 رنز سے کامیابی حاصل کر کے سیریز دو دو سے برابر کی تھی۔
