ایک شخص نے تھوڑی پر کرسی کو کھڑے رکھنا کا گنیز ورلڈ ریکارڈ قائم کر دیا ہے۔
ڈیوڈ رش نامی اکثر گنیز ورلڈ ریکارڈز قائم کرتے رہتے ہیں اور کچھ عرصے قبل سیڑھی کو تھوڑی پر 19 منٹ 11 سیکنڈ تک کھڑے رکھنے کا ریکارڈ اپنے نام کیا تھا۔
اب انہوں نے ایسا ایک کرسی کے ساتھ کیا اور اسے تھوڑی پر ایک گھنٹے 20 منٹ تک کھڑے رکھا۔
کچھ عرصے پہلے انہوں نے یہ ریکارڈ ایک گھنٹے 8 منٹ وقت کے ساتھ بنایا تھا مگر پھر ایک اور فرد نے اسے ایک گھنٹے 19 منٹ وقت کے ستھ اپنے نام کرلیا تھا۔
ڈیوڈ رش نے بتایا کہ ‘گزشتہ چند ماہ کے دوران میں نے گردن کو مضبوط بنانے کی ورزشیں کیں’۔
انہوں نے کہا کہ ‘اس طرح کے ریکارڈز سے جبڑوں، گردن اور ریڑھ کی ہڈی کے اوپری حصے میں مسلسل دباؤ پڑتا ہے اور گردن میں تکلیف ہوتی ہے۔
ان کا کہنا تھا کہ جب کرسی تھوڑی پر ہو تو کوئی ریلیف نہیں ملتا، بلکہ ہر سیکنڈ کنٹرول کو برقرار رکھنا پڑتا ہے۔
مگر ان کی محنت کے نتیجے میں گنیز ورلڈ ریکارڈز میں ایک بار پھر یہ ریکارڈ ان کے نام ہوگیا ہے۔
