ورزش کو صحت کے لیے بہت زیادہ مفید قرار دیا جاتا ہے جس سے وزن کو مستحکم رکھنے میں مدد ملتی ہے، بلڈ پریشر کم ہوتا ہے اور ہارٹ اٹیک سے بچنے میں مدد ملتی ہے۔
مگر کیا ورزش کا وقت صحت کے لیے ممکنہ فوائد کے حوالے سے اہم ہوتا ہے؟
جرنل اوپن ہارٹ میں شائع ایک تحقیق میں بتایا گیا کہ جسم کی اندرونی گھڑی کے مطابق ورزش کرنے کی عادت صحت کے لیے زیادہ مفید ہوتی ہے۔
تحقیق میں مزید بتایا گیا کہ صبح جلد جاگنے والے یا رات گئے تک جاگنے والے افراد کے ورزش کرنے کا وقت بلڈ پریشر، کولیسٹرول کی سطح اور نیند کے معیار وغیرہ پر اثرانداز ہوتا ہے۔
