پنجاب حکومت نے مہلک بیماریوں سے بچاؤ کیلئے صوبے بھر میں آگاہی مہم چلانے کا فیصلہ کیا ہے۔
تفصیلات کے مطابق وزیراعلیٰ پنجاب کی زیر صدارت اجلاس ہوا، سیکریٹری ہیلتھ اینڈ پاپولیشن نے بریفنگ دی،وزیراعلیٰ پنجاب نے مہلک بیماریوں سے بچاؤ کیلئے ضروری اقدامات کی ہدایت کی۔
ہیلتھ کیئر کمیشن کو پرائیویٹ اسپتالوں اور کلینکس میں ایس او پیز کی مانیٹرنگ کی ہدایت کی گئی ،وزیراعلیٰ پنجاب نے صوبہ بھر میں اتائی کلینکس کیخلاف بھی قانونی کارروائی کی ہدایت کی۔
اجلاس میں چیف منسٹر پنجاب ڈیزیز پراونشنل پروگرام کی اصولی منظوری دے دی گئی،اس موقع پر مریم نواز کا کہنا تھا کہ مہلک بیماریوں سے بچاؤ کیلئے عوامی شعور و آگاہی بیدار کرنا ناگزیر ہے۔
مہلک اور وبائی بیماریوں سے بچاؤ کیلئے ابتدائی علامات سے آگاہی ضروری ہے،مریض کو علاج ہی نہیں بلکہ زندگی کی امید دلانا بھی ضروری ہے۔
