بابر اعظم پر سابق چیف سلیکٹر محمد وسیم برس پڑے ’’سپر اسٹار بننا تو دور، ابھی اسٹار بھی نہیں‘‘

پاکستان کرکٹ ٹیم کے سابق چیف سلیکٹر محمد وسیم نے قومی ٹیم کے سابق کپتان اور اسٹار بیٹر بابر اعظم کی موجودہ حیثیت پر سخت تنقید کی ہے۔

ایک ٹی وی پروگرام کے دوران بابر اعظم کو پاکستان کا سب سے بڑا کھلاڑی قرار دیے جانے پر محمد وسیم نے اختلاف کرتے ہوئے کہا کہ بابر اعظم کو سپر اسٹار کہنا تو دور کی بات ہے، وہ ابھی اسٹار کھلاڑی بھی نہیں بن سکے۔

محمد وسیم کے مطابق بابر اعظم ابھی تک اظہر علی اور اسد شفیق کی سطح تک نہیں پہنچے۔ انہوں نے بابر اعظم کو پاکستان کے عظیم کھلاڑیوں کے ساتھ موازنے سے بھی اختلاف کیا۔

یہ بیان ایسے وقت میں سامنے آیا ہے جب انگلینڈ کے خلاف ٹیسٹ سیریز میں پاکستان کی ناقص کارکردگی کے بعد بابر اعظم سمیت قومی ٹیم کی قیادت اور انتظامی فیصلوں پر بحث جاری ہے۔ محمد وسیم اس سے قبل بھی پاکستان کرکٹ ٹیم کے انتخاب اور کھلاڑیوں کی کارکردگی کے حوالے سے کھل کر اپنے خیالات کا اظہار کرتے رہے ہیں۔

محمد وسیم 2020 سے 2022 تک پاکستان کرکٹ بورڈ کی سلیکشن کمیٹی کے چیف سلیکٹر بھی رہ چکے ہیں۔