ناصر حسین نے رضااللہ کے بولنگ ایکشن میں شان ٹیٹ اور وقار یونس کی جھلک قرار دے دی۔
انگلینڈ کے خلاف تیسرے ٹیسٹ میں پاکستان کی جانب سے ڈیبیو کرنے والے نوجوان فاسٹ بولر رضااللہ کا منفرد بولنگ ایکشن توجہ کا مرکز بن گیا۔ سابق انگلش کپتان اور معروف کمنٹیٹر ناصر حسین نے رضااللہ کے ایکشن کا تفصیلی جائزہ لیتے ہوئے اس میں سابق آسٹریلوی فاسٹ بولر شان ٹیٹ اور پاکستان کے لیجنڈری فاسٹ بولر وقار یونس سے مماثلت کی نشاندہی کی۔
ناصر حسین کے مطابق رضااللہ کا سلنگی ایکشن شان ٹیٹ کی یاد دلاتا ہے، جبکہ گیند ریلیز کرنے کا انداز اور ریلیز پوائنٹ وقار یونس سے مماثلت رکھتا ہے۔ انہوں نے خاص طور پر اس بات کی نشاندہی کی کہ رضااللہ کا ریلیز پوائنٹ اسٹمپس کے کافی قریب ہے، جو ان کے بولنگ ایکشن کو مزید منفرد بناتا ہے۔
رضااللہ نے انگلینڈ کے خلاف اپنے ٹیسٹ ڈیبیو میں بھی توجہ حاصل کی اور جو روٹ کی وکٹ حاصل کرکے اپنے ٹیسٹ کیریئر کا یادگار آغاز کیا۔
