ادویات فراہمی کا ٹینڈر حاصل ہونے کے باوجود دوسری کمپنی کو ٹینڈر جاری کرنے پر محکمہ صحت سے جواب طلب

لاہور(کورٹ رپورٹر)لاہور ہائیکورٹ کے جسٹس خالد اسحاق نیادویات فراہمی کا ٹینڈر حاصل ہونے کے باوجود دوسری کمپنی کو ٹینڈر جاری کرنے
پر محکمہ صحت،اسپیشلائیزڈ ہیلتھ اور پروکیورمنٹ ایجنسی سے جواب طلب کرلیا ،درخواست گزار الائیڈ ڈسٹری بیوٹرز کے وکیل احمد پنسوٹا نے موقف اپنایا اسپیشلائزڈ ہیلتھ کی جانب سے ادویات خریداری کی منظوری دی گئی،اسپیشلائیزڈ ہیلتھ نے دوسری کمپنی کو ٹینڈر جاری کر کے ادویات کی خریداری کے لیے دوبارہ احکامات جاری کر دئیے ،ادویات کی دوبارہ خریداری کے احکامات عدالت میں دائر درخواست کو غیر موثر بنانے کی کوشش ہے، استدعا ہے کہ عدالت ادویات کا دوسری کمپنی کو نیا ٹینڈر جاری کرنے کا فیصلہکالعدم قرار دے۔