لاہور(کرائم رپورٹر)اسلام آباد میں امن وعامہ کے حالات قابو میں رکھنے کے لئے پنجاب پولیس نے تیاریاں کرلیں،امن وعامہ کے حالات قابو میں رکھنے کے لئے45ہزارسے زائد افسران و اہلکار ڈیوٹیاں سرانجام دیں گے۔سیاسی جماعت کی 27ستمبر کی لانگ مارچ کی کال کو مدنظر رکھ کر سکیورٹی پلان مرتب دیا جائیگا۔ذرائع کا کہنا ہے کہ 8 ڈی آئی جیز۔15 ایس ایس پیزسمیت 30ہزار افسران واہلکار اٹک میں ڈیوٹی سرانجام دیں گے۔6ہزار کی نفری راولپنڈی میں حالات میں قابو رکھنے کے لئے تعینات کئے جائیں گے۔10 سے 12ہزار کی نفری اسلام آباد پولیس کیحوالے کی جائیگی۔نفری کی موومنٹ کے لئے پونے 9کروڑ کے فنڈز بھی جاری کردئے گئے۔نفری پی سی۔ضلعی پولیس۔پی ایچ پی۔ایس پی یو۔ایلیٹ سمیت تمام یونٹس سے فراہم کی جائیگی۔متوقع طورپر 22ستمبر سے نفری کی متعلقہ پوائنٹس پر روانگی شروع کر دی جائیگی۔
