چند برسوں میں انسان نما روبوٹس کا استعمال بڑھ جائے گا: ایلون مسک

واشنگٹن (این این آئی)دنیا کے امیر ترین شخص اور ٹیسلا کے سی ای او ایلون مسک نے کہا ہے کہ چند برسوں میں انسان نما روبوٹس کا استعمال اتنا بڑھ جائے گا کہ لوگ اپنے معمر والدین اور بچوں کی دیکھ بھال کے لیے ذاتی روبوٹس استعمال کریں گے۔غیرملکی خبررساں ادارے کے مطابق ایک بیان میں انہوں نے کہا کہ بچوں کی تعلیم سمیت بہت سے دیگر امور بھی روبوٹس ہی کے ذریعے انجام دیے جائیں گے۔ایلون مسک نے دعوی کیا کہ دس سال میں انسان نما روبوٹس کی تعداد ایک ارب تک پہنچ جائے گی، انسان نما روبوٹس کی تعداد 15 برس میں 10 ارب اور 20 سال میں 100 ارب تک پہنچ جائے گی۔ایلون مسک نے مشورہ دیا کہ ممکن ہو تو چین ضرور جائیں، وقت محدود ہو تو شنگھائی اور بیجنگ ضرور جائیں۔