کراچی (بزنس رپورٹر) پاکستان اسٹاک ایکسچینج میں کاروباری ہفتے کے آخری روز محدود دائرے میں کاروبار ہوا، کے ایس ای 100 انڈیکس 266 پوائنٹس کے اضافے سے 170,765 پوائنٹس کی سطح پر بند ہوا۔ جغرافیائی سیاسی غیر یقینی صورتحال اور بلند تیل قیمتوں کے باعث سرمایہ کار محتاط رہے۔عارف حبیب لمیٹڈ کے ڈپٹی ہیڈ آف ٹریڈنگ علی نجیب کے مطابق جمعہ کو کے ایس ای 100 انڈیکس نے کاروباری اوقات میں اتار چڑھائو کا مظاہرہ کیا اور دونوں سمتوں میں کاروبار کے بعد معمولی اضافے کے ساتھ بند ہوا۔انڈیکس نے دورانِ کاروبار 661 پوائنٹس اضافے سے 171,160 پوائنٹس کی بلند ترین سطح کو چھوا۔
