پاکستانی پروفیشنل باکسر عثمان وزیر نے اپنی 19ویں انٹرنیشنل ورلڈ رینکنگ فائٹ جیت لی۔ تھائی لینڈ میں ہونے والے مقابلے میں عثمان وزیر نے انڈونیشیا کے باکسر کو شکست دے کر کامیابی حاصل کی۔
اس فتح کے ساتھ عثمان وزیر نے WBA گولڈ ٹائٹل کے لیے بھی کوالیفائی کرلیا ہے۔ ان کا کہنا ہے کہ گولڈ ٹائٹل کی فائٹ کا اعلان جلد کیا جائے گا اور وہ پاکستان کے لیے اپنی 20ویں فائٹ بھی جیتنے کی کوشش کریں گے۔
عثمان وزیر نے اپنی کامیابی افواج پاکستان، پولیس کے جوانوں اور خیبرپختونخوا میں دہشت گردی کے دوران شہید ہونے والوں کے نام کی۔ انہوں نے کہا کہ پاکستان آرمی نے ہمیشہ انہیں سپورٹ کیا ہے اور وہ ملک کے لیے مزید کامیابیاں حاصل کرنا چاہتے ہیں۔
