سی سی ڈی کے زیر حراست ملزم پولیس مقابلہ میں ساتھیوں کی فائرنگ سے ہلاک

لاہور (کرائم رپورٹر) سی سی ڈی کے زیر حراست ملزم مبینہ پولیس مقابلہ میں ساتھیوں کی فائرنگ سے مارا گیا جبکہ حملہ آور فرار ہو گئے’ پولیس نے مرنے والے ڈاکو کی لاش پوسٹ مارٹم کے لیے منتقل کرکے حملہ آوروں کی تلاش شروع کر دی۔ذرائع کے مطابق سی سی ڈی شیرا کوٹ کے اہلکار زیر حراست ملزم کو ریکوری کے لیے لے جا رہے تھے کہ چوہنگ کے علاقہ میں گھات لگائے اس کے ساتھیوں نے حملہ کر دیا اس دوران زیر حراست ملزم اپنے ساتھیوں کی گولیاں لگنے سے موقع پر ہلاک ہوگیا جبکہ حملہ آور اندھیرے کا فائدہ اٹھا کر فرار ہوگئے۔ ہلاک ملزم محمد آصف قتل، اقدام قتل، ڈکیتی، رابری، سمیت سنگین وارداتوں میں ملوث تھا۔ پولیس حکام کا کہنا ہے کہ مرنے والے کی لاش پوسٹ مارٹم کے لیے منتقل کرکے حملہ آوروں کی تلاش کے لیے ناکہ بندی کر دی گئی ہے۔