ہنی ٹریپ کے ذریعے گاڑی ہتھیانے والے میاں بیوی گرفتار

کراچی(این این آئی)کراچی پولیس نے ہنی ٹریپ کے ذریعے شہری کی قیمتی گاڑی ہتھیانے اور
واردات کو سٹریٹ کرائم کا رنگ دینے والے میاں بیوی کو چند گھنٹوں میں گرفتار کرلیا۔ پولیس نے گاڑی بھی برآمد کرلی، جب کہ ملزمان سے دیگر وارداتوں اور ان کے سابقہ ریکارڈ کے حوالے سے تفتیش جاری ہے۔پولیس کے مطابق ڈیفنس میں کالا پل کے قریب ایک نجی اسپتال کے باہر گاڑی چھیننے اور 14 تولے سونے کے زیورات لوٹنے کی واردات کی تحقیقات کے دوران انکشاف ہوا کہ واقعے میں مبینہ طور پر خود شہری کو اپنے جال میں پھنسانے والی خاتون اور اس کا شوہر ملوث ہیں۔