بلکسر پولیس کا منشیات کے خلاف ایکشن ،10 بوتلیں شراب برآمد 1 ملزم گرفتار

بلکسر (نمائندہ خبریں)تھانہ صدر چکوال کے ماتحت پولیس چوکی بلکسر کے انچارج عدنان عباس نے چارج سنبھالتے ہی منشیات کے خلاف کارروائی کرتے ہوئے شراب کی 10 بوتلیں برآمد کرکے ایک ملزم کو گرفتار کر لیا ہیے،پولیس استغاثہ کے مطابق انچارج چوکی بلکسر عدنان عباس ہیڈ کانسٹیبل عشرت علی اور کانسٹیبل اختر رحمان کے ہمراہ تھوہا بائی پاس مینگن موڑ کے قریب موجود تھے کہ ایک شخص مینگن کیطرف سے آ رہا تھا،جو پولیس کو دیکھ واپس مڑا جسے مشکوک جان کر تلاشی لی،اس کے قبضے سے لندن ڈرائی شراب کی 10 بوتلیں برآمد ہوئیں۔گرفتار شخص کی شناخت شہروز ولد رمضان،سکنہ چک نمبر 48 شمالی،سرگودھا کے نام سے ہوئی۔پولیس نے ملزم کے خلاف مقدمہ درج کرکے مزید تفتیش شروع کر دی ہیے۔انچارج چوکی بلکسر عدنان عباس کا جرائم پیشہ عناصر کو دوٹوک پیغام ہیے کہ قانون سے بالاتر کوئی بھی نہیں۔جرائم میں ملوث افراد کے خلاف قانون کے مطابق کارروائی ہو گی،علاقے میں امن و امان برقرار رکھنے اور شہریوں کے جان و مال کے تحفظ کے لیے بلکسر پولیس کی کارروائیاں جاری رہیں گی۔