پاک فوج اور محکمہ صحت آزاد کشمیر کا ایل او سی پر فری میڈیکل کیمپ

مظفرآباد(این این آئی)پاک فوج اور محکمہ صحت عامہ آزاد کشمیر کے اشتراک سے لائن آف کنٹرول کے دور افتادہ علاقے میں ایک روزہ فری میڈیکل کیمپ کا انعقاد کیا گیا۔فری میڈیکل کیمپ میں پاک فوج اور محکمہ صحت کے ماہر ڈاکٹرز نے اپنے فرائض سرانجام دئیے، دیہی مرکزِ صحت میں لگائے گئے کیمپ میں سیکڑوں مریضوں کا مفت طبی معائنہ کر کے مستحق شہریوں کو مفت ادویات فراہم کی گئیں۔فری میڈیکل کیمپ میں میڈیکل، سرجیکل، چائلڈ، سکن، گائناکالوجی، ای این ٹی، آئی، ریڈیالوجی اور ڈینٹل اسپیشلسٹس نے مریضوں کا معائنہ اور علاج کیا۔