پاکستان میں سائبر جرائم کی شکایات میں 1 سال کے دوران 43 ہزار سے زائد اضافہ

کراچی (این این آئی)پاکستان میں سائبر جرائم سے متعلق شکایات میں ایک سال کے دوران 43 ہزار
714 کا اضافہ ریکارڈ کیا گیا ہے۔ نیشنل سائبر کرائم انویسٹی گیشن ایجنسی (این سی سی آئی اے) کو 2026ء میں اب تک ایک لاکھ 48 ہزار 204 شکایات موصول ہوچکی ہیں، جبکہ گزشتہ سال یہ تعداد ایک لاکھ 4 ہزار 490 تھی۔دستاویز کے مطابق مالی فراڈ، بلیک میلنگ اور ہراسانی سے متعلق شکایات میں نمایاں اضافہ ہوا ہے۔ مالی فراڈ کی شکایات گزشتہ سال 49 ہزار 982 تھیں، جو بڑھ کر 71 ہزار 51 ہوگئیں۔ بلیک میلنگ، ہراسانی اور ہتکِ عزت سے متعلق 50 ہزار 782 شکایات موصول ہوئیں۔شناخت کی نقالی کے واقعات میں بھی دو گنا سے زائد اضافہ ریکارڈ کیا گیا۔