سمندر میں امریکی جہاز کی موجودگی پر چین برہم’دراندازی قرار دیکر نگرانی کے لئے دستے روانہ

لاہور (ویب ڈیسک) چینی سمندری حدود میں امریکی جہاز کی موجودگی، سراغ لگانے کیلئے دستے روانہ کردیئے۔ امریکی اقدام چین کی خودمختاری اور مفادات کے خلاف ہے۔ چینی سمندری حدود میں امریکی جنگی بحری جہاز کی موجودگی کا انکشاف ہوا ہے۔ ترجمان چینی بحریہ کے مطابق امریکی جہاز نے چین کی اجازت کے بغیر اسپریٹلی جزائر کے قریب دراندازی کی، امریکی اقدام چین کی خودمختاری اور مفادات کے خلاف ہے۔ بیان کے مطابق اس اقدام سے بحری سلامتی کو خطرہ اور علاقائی امن و استحکام کو نقصان پہنچ رہا ہے، امریکی جنگی جہاز کی نگرانی اور اس کا سراغ لگانے کیلئے دستے روانہ کردیے، چینی بحریہ نے امریکا سے فوری طور پر ایسی سرگرمیاں بند کرنے کا مطالبہ کردیا۔