لاہور ( ویب ڈیسک) عمانی سلطان نے 44سال بعد برطانیہ کا تاریخی دورہ کیا، شاہ چارلس نے اعزاز میں حدیثِ نبوی ۖ پڑھ کر سنائی۔ برطانیہ کے بادشاہ کنگ چارلس سوئم نے 44سال سے زائد عرصے کے بعد عمان کے سربراہ کے دورے کا خیر مقدم ایک حدیث پیش کر کے کیا اور دنیا بھر کے مسلمانوں کو ششدر کردیا۔عمان کے سلطان ہیثم بن طارق تقریباً 44برس کے بعد برطانیہ کے سرکاری دورے پر پہنچے جہاں ان کا شاندار استقبال کیا گیا۔عمان کے سلطان کے اعزاز میں برطانوی بادشاہ کنگ چارلس کی جانب سے استقبالیہ تقریب رکھی گئی تھی جس میں عمانی وفد کے اراکین اور شاہی خاندان کے افراد سمیت حکومتی و دیگر شخصیات شامل تھیں۔لندن میں ہونے والی اس شاہی تقریب میں کنگ چارلس نے 44سال بعد عمان کے سربراہ کے دورے کا خیر مقدم کیا اور اس موقع پر انہوں نے حدیث نبوی بھی پیش کی۔کنگ چارلس نے تقریب میں یہ حدیث عربی زبان میں پڑھ کر سنائی جس کی روایت صحیح مسلم میں اور حدیث نمبر 2544ہے۔حدیث مبارکہ کا ترجمہ اور مفہوم یہ ہے کہ نبی ۖ نے ایک صحابی کی شکایت پر کہا کہ اگر تم اہل عمان کے پاس جاتے تو وہ تمہارے ساتھ اچھا برتاؤ کرتے اور برے سلوک سے گریز کرتے۔اس حدیث میں عربی کے جو الفاظ تحریر کیے گئے ہیں ان کا لفظ بہ لفظ ترجمہ یہ بنتا ہے کہ اگر تم اہل عمان کے پاس جاتے تو وہ تمہیں برا بھلا کہتے اور نہ ہی مارتے۔اس حدیث کے راوی حضرت ابو ہریرہ ہیں جنہوں نے بتایا کہ اللہ کے نبی ۖ نے ایک صحابی کو کسی عرب قبیلے کے پاس بھیجا اور جب وہ واپس آئے تو انہوں نے آپ ۖ سے شکایت کی کہ اس قبیلے کے لوگوں نے مجھے مارا پیٹا ہے۔اس پر آپ صلی اللہ علیہ والہ وسلم نے مذکورہ بالا حدیث بیان کی۔مفسرین کے مطابق اس حدیث میں آپ ۖنے جس ملک عمان کا ذکر کیا اس کا دارالحکومت مسقط ہے۔ واضح رہے کہ اردن کے دارالحکومت کا نام بھی اردو میں عمان لکھا جاتا ہے جبکہ اس کا انگریزی تلفظ Amaanبنتا ہے۔
حدیث
