ایک ہی خاندان کی 3 نسلوں کے 28افراد حافظِ قرآن بن گئے

فیصل آباد (این این آئی) پاکستان کے شہر فیصل آباد سے ایک ایسی ایمان افروز خبر سامنے آئی ہے جو دلوں کو خوشی اور روح کو سکون بخشتی ہے۔ اطلاعات کے مطابق ایک ہی خاندان کی تین نسلوں کے 28 افراد حافظِ قرآن بن چکے ہیں جو قرآنِ کریم سے ان کی محبت، محنت اور دینی وابستگی کی عکاسی کرتا ہے۔ بتایا جاتا ہے کہ اس خوبصورت روایت کی ابتدا خاندان کے بزرگ دادا جان نے کی جنہوں نے اپنے بڑے بیٹے کو قرآنِ پاک حفظ کرنے کی ترغیب دی پھر یہی شمع اگلی نسل تک پہنچی اور خاندان کے دیگر افراد بھی اس مبارک سفر میں شامل ہوتے گئے۔