کالاشاہ کاکو میں ٹریفک کے دومختلف حادثات، دو افراد جاں بحق، ایک زخمی

کالا شاہ کاکو (این این آئی)کالا شاہ کاکو میں ٹریفک کے دو مختلف حادثات میں دو افراد جاں بحق جبکہ ایک 12سالہ لڑکا زخمی ہوگیا۔ ریسکیو1122 نے زخمی کو طبی امداد دینے کے بعد ہسپتال منتقل کیا جبکہ دونوں جاں بحق افراد کی لاشیں لواحقین کے حوالے کر دیں۔ ریسکیو 1122 کے مطابق پہلا حادثہ کوٹ عبدالمالک پرانے ٹول پلازہ کے قریب مزدا ٹرک اور موٹر سائیکل میں تصادم ہوا، جس کے نتیجے میں25 سالہ محسن ولد کمال دین جاں بحق ہوگیا وہ فیصل آباد کا رہائشی تھا دوسرا حادثہ موٹر وے سٹی کے قریب دو موٹر سائیکلوں کے تصادم کے باعث پیش آیاحادثے میں22 سالہ محمد عبداللہ ولد محمد امین جاں بحق، جبکہ12 سالہ احمد ولد نذر حسین زخمی ہوگیا ریسکیو ٹیم نے زخمی کو ابتدائی طبی امداد فراہم کرکے ہسپتال منتقل کردیا۔